وجع شاعر حموي

من شاعر حموي:

_____________

من سوريا خلق المجد

من سوريا نيَّالا

الصبر وبعدو يعود السعدْ

وتحيا هيي ورجالا

حمص وحرستا والديرْ

ودوما والحولة وعندانْ

وأم الفدا والرستنْ

مهدْ الأحرار الشجعانْ

رُوحْ شمالْ … روحْ جنوبْ

شرِّقْ غرِّبْ وينْ ما كانْ

متل الريحْ … رجالا تصيحْ

نحني للبشرْ العنوانْ

نحني ال كتبنا التاريخْ

وحروفْ الأبجديةْ

ومن عنَّا خلقْ المسيحْ

ونوَّرْ عالإنسانيّةْ

ولادكْ يا سوريا رجالْ

يا سوريا نيَّالكْ

حمزةْ وزينب ومشعل نُورْ

دمُّن ضوَّا كرمالكْ

الأسدْ وشارونْ وإيرانْ

تالوتْ الشرْ الغدّارْ

رحْ نقطعْ راس التعبانْ

هيِّرْ راسكْ يا بشارْ

هيِّرْ راسكْ يا غدَّارْ

قرَّبْ والله طلوعْ الفجر

ويا محلا سوريا نهارْ

من سوريا خلق المجد

من سوريا نيَّالا

الصبر وبعدو يعود السعدْ

وتحيا هيي ورجالا